Үздік жаңалықтар

ҚР Энергетика министрі Болат Ақшолақов Атырау облысына жұмыс сапары аясында Теңіз кен орнында болды. Министр Қазақстандағы ең ірі Келешекте кеңейту жобасының – Ұңғыма ернеуінің қысымын басқару жобасының (ККЖ-ҰЕҚБЖ) іске асырылу барысымен танысып, Теңізшевройл басшылығын жобаны іске асыру кестесінен ауытқымауға шақырды. Қазіргі уақытта ККЖ-ҰЕҚБЖ жобасы 93% – ға аяқталды. Қалған барлық жұмыстар Теңізге шоғырланған. Жаздың басында кен орны операторы – «Теңізшевройл» ЖШС-ның (ТШО) барлық зауыттарын біріктіретін, сенімділігін арттыратын және өндірістік көрсеткіштерді оңтайландыратын Өндірісті бірегей басқару орталығы (ӨББО) іске қосылды. 2022 жылғы шілдеден бастап ККЖ-ҰЕҚБЖ шеңберінде салынуы жоспарланған төрт қондырғының төртіншісі болып табылатын жаңа өлшеу қондырғысы мұнай қабылдай бастады. Сондай-ақ екінші тоқсанда қысымды ұлғайту қондырғысына қуат беретін кіші электр станциясына кернеу берілді. ҚР Энергетика министрі ККЖ-ҰЕҚБЖ жобасының сәтті іске қосылуы ТШО-дан Қазақстан бюджетіне түсетін түсімдерді едәуір арттыратынын атап өтті. Бұл ретте 2022 жылдың алты айында ғана ТШО ел экономикасына бес жыл ішіндегі рекордтық 7,5 миллиард АҚШ долларын бағыттады. «Бүгіндегі сын-қатерлерге қарамастан, жобаны іске асыру кестесін ұстану маңызды. Бұдан басқа, қазақстандық өндірушілер мен отандық қызметкерлердің әл-ауқатын қамтамасыз ете отырып, қазақстандық қамтуды дамытуға ерекше назар аударуды жалғастыру қажет», – деді Қазақстан Республикасының Энергетика министрі Болат Ақшолақов Теңізшевройл басшылығымен кездесу шеңберінде. ККЖ-ҰЕҚБЖ іске асырыла бастағаннан бері ТШО 14,2 миллиард АҚШ долларынан астам сомаға қазақстандық тауарларды, жұмыстар мен көрсетілетін қызметтерді сатып алды, сондай-ақ 25 мыңнан астам адамды оқытты. Бұған дейін, жобаның 408 модулін Теңізге жеткізу үшін ТШО теңіз тасымалының үш жылдық бағдарламасын іске қосқан болатын, оның барысында қазақстандық компанияның пайдалануында 126-дан астам кеме болған, оның 40-ы жаңадан салынған немесе осы жоба үшін арнайы айтарлықтай өзгертілген. Сондай–ақ Каспий теңізі арқылы тасымалдауды дамытуды қолдау мақсатында халықаралық деңгейдегі кәсіби теңізшілерді даярлайтын Қазақстандағы жалғыз оқу орны – ҚБТУ жанындағы Қазақстандық теңіз академиясы (ҚТА) іске қосылды. Сонымен қатар, модульдік жүктерді қабылдау және одан әрі тасымалдау үшін Теңіз кен орнының шекарасынан шамамен 40 км жерде орналасқан Прорва түбегінде салынған Жүктерді тасымалдаудың жаңа бағыты (ЖТБ) да ККЖ-ҰЕҚБЖ мұрасы болып табылады. ЖТБ ұзындығы 76 км теңіз кірме арнасынан, жүктерді түсіруге және сақтауға арналған құрылыстардан және кірме жолдан тұрады. Министр сондай-ақ ККЖ-ҰЕҚБЖ-ға тартылған ТШО мердігер компанияларының мыңдаған жұмысшыларын алдағы уақытта босату шеңберінде мониторинг жүргізу және тығыз өзара іс-қимыл жасау қажеттігін атап өтті. Бұған дейін хабарланғандай, ТШО Атырау облысы әкімдігімен, Энергетика министрлігімен және ҚР Еңбек және халықты әлеуметтік қорғау министрлігімен бірлесіп, атқарған жұмыстардың аяқталуына қарай қызметкерлерді босату процесіне мониторинг жүргізуде.

Американдық экологиялық жоспарлау бойынша сарапшы, дизайнер және ағартушы Пол Хеллмундтың “Қаладағы табиғат: болашақ пен үміт” атты дәрісі өтті. Профессор Хеллмунд – жасыл урбанизм саласындағы жетекші практик және “Ecology of Greenways” (1993 ж.) және “Sustainable Landscapes for Nature and People” (2006 ж.) кітаптарының авторы. Пол жасыл урбанизм және жасыл инфрақұрылым саласында, сондай-ақ қауымдастықтарды сақтау және жоспарлау бойынша инновациялық шешімдерді әзірлеуде үлкен тәжірибеге ие. Он жыл бойы Пол Хеллмунд Массачусетс штатындағы Conway Design School президенті және профессоры болды. Пол Гарвард университетінің Жоғары дизайн мектебінде және Колорадо Мемлекеттік университетінде білім алды. Қазір ол жаһандық экологиялық тұрақтылық мектебінде сабақ береді. Пол Хеллмундтың “Қаладағы табиғат: болашақ пен үміт” атты дәрісі – Urbanitarium жобасы аясындағы Urban Forum Kazakhstan “Қалалар мен Адамдар” білім беру бағдарламасының бөлігі. «Urbanitarium жобасы «Шеврон» компаниясы мен АҚШ-тың Қазақстандағы Дипломатиялық миссиясы арасындағы “Makerspace Expands!” мемлекеттік-жеке серіктестігі арқасында іске асты. Іс-шараның серіктесі: Aurora Space.

Қазақстандағы ең іріnFactorial IT-инкубаторы «Шеврон» компаниясыменсеріктестікте ұйымдастырған жазғы бағдарламалау лагерінің салтанатты жабылуы өтті. Лагерь 10 аптаға созылды және оның аясында еліміздің жас таланттары 100-ден астам бірегей веб-қосымша жасады. Лагерьге қатысуға Қазақстан, Қырғызстан, Өзбекстан, Әзірбайжан және Ресейден 4000 үміткер өтініш білдірді, оның ішінде бағдарламаға 200 үздік әзірлеуші ​​шақырылды. 10 аптаның қорытындысы бойынша Инкубатор қатысушылары елде бұрын соңды жасалмаған web3 қосымшаларын, сондай-ақ Қазақстанның тарихы мен географиясын зерттеуге арналған ойындарды, қазақ музыкасы мен поэзиясын насихаттауға арналған қосымшаларды, экологиялық мәдениетті насихаттауға арналған қосымшаларды және басқа да көптеген әлеуметтік мәселелерді шешетін бағдарламаларды жасады. Финалда қазылар алқасына 20 үздік веб-қосымша ұсынылды. Қазылар алқасының құрамында: – Бағдат Мусин – Қазақстан Республикасының Цифрлық даму, инновациялар және аэроғарыш өнеркәсібі министрі – Асхат Омаров – америкалық «Farel» стартапының бас директоры – Николай Мазенцев – «Choco Holding» басқарма төрағасы – Лейла Айтмұханова – Қазақстандағы Шевронкомпаниясының әлеуметтік инвестициялар жөніндегі кеңесшісі – Зәуре Розмат – The Steppe интернет-басылымының бас директоры – және басқа да мамандар. Биылғы инкубатордың жеңімпаздары – Бауыржан Тұрсынбек (қола медаль), Әділ Жапар (күміс медаль) және Бауржан Әбенов (алтын медаль). Цифрлық даму министрі Бағдат Мусин мырза өз сөзінде еліміздің экономикасын жаңа деңгейге шығаратын 100 000 IT-маманды даярлаудың маңыздылығын атап өтті.  Сонымен қатар, Мусин мырза Қазақстандағы үздік әзірлеушілердің, әсіресе nFactorial мектебінің түлектерінің қазақ тілінде ІТ-білім беруді дамыту бойынша жасап жатқан жұмыстарының нәтижелеріне тоқталды. Ал Саясат Нұрбек мырза өз кезегінде елімізде IT-білім берудің қарқынды дамып келе жатқанын атап өтіп, университеттерді nFactorial инкубаторы сияқты тәуелсіз бағдарламалармен бірігіп жұмыс істеуге шақырды. «Шеврон компаниясы – Қазақстандағы ең ірі шетелдік инвестор. Біздің әлеуметтік инвестицияларымыздың негізгі бөлігі білім беру, денсаулық сақтау, экономикалық даму және экология салаларына бағытталады. Біз nFactorial-мен серіктестігімізді мақтан етеміз жәнеҚазақстанда дарынды жастарыды тауып, оларды дамытуға үлес қосқанымызға қуаныштымыз. Балалар осы бағдарламаның құндылықтарын жақсы сіңірген, олар өздері де дамып, елді де дамытып, білімдерін бөлісіп, эмпатияларын арттырып, жаңа шеберлікті игеруге дайын», – дейді «Шеврон» компаниясының Қазақстандағы әлеуметтік инвестициялар жөніндегі кеңесшісі Лейла Айтмұханова. nFactorial инкубаторында жасалған барлық қолданбаларды мына жерден көруге болады https://n17r-board.vercel.app/ . nFactorial Incubator – бұл жас бағдарламашыларға арналған 10 апталық жоғары деңгейлі, әрі қарқынды дайындық бағдарламасы. Бағдарламаның мақсаты – отандық IT қызметтерін экспорттау және сату арқылы Қазақстан экономикасына 1 миллиард АҚШ долларынәкелетін 10 000 кәсіби бағдарламашылардан тұратын арнайы жасақ құру. Анықтама үшін: «Шеврон» – әлемдегі жетекші интеграцияланған энергетикалық компаниялардың бірі. Біз қолжетімді, сенімді және таза энергиялы әлемді қолдаймыз және оны құру маңызды деп есептейміз. «Шеврон» мұнай мен табиғи газды өндіреді, көліктік жанар-жағармай және химиялық мұнай өнімдерін шығарады, сондай-ақ бизнес пен өнеркәсіпті жетілдіретін технологияларды дамытады. Біз өз операцияларымыздың көміртегі қарқындылығын азайтуға назар аударамыз және дәстүрлі бизнес бағыттарымызбен қатар төмен көміртекті бизнесті дамытуға тырысамыз. «Шеврон»туралы қосымша ақпаратты www.chevron.com сайтынан табуға болады.

Португалияның Мадейра аралында туристер отырған автобус апатқа ұшырап, 29 адам қаза тапты деп хабарлайды РИА Новости

Оқиға 17 сәуір кұні кешкі сағат 18:30 шамасында болған. Автобус жүргізушісі бақылаудан айырылды деп болжануда. Көлік жолдан шығып кетіп, үйдің төбесіне құлаған.

 

Жергілікті БАҚ автобуста 55-ке жуық адам болған деп хабарлауда.

Қаза тапқандар германиялық туристер. Автобус жүргізушісі мен гид Португалия азаматтары екен. Олар жарақаттанған, алайда жағдайларына қатысты нақты ақпарат жоқ.

Португалия премьері Антониу Кошта Twitter арқылы қайтыс болғандардың жақындарына көңіл айтқан. Ол Германия канцлері Ангела Меркельге де көңіл айтқан.

Германияның СІМ де марқұмдардың жақындарына көңіл айтты.

Прокуратура тергеуді бастап кетті. Мадейра үкіметі үш күндік аза тұту жариялады.

Ирандық боксшы қыз Садаф Хатем шаршы алаңға хиджабсыз шыққаны үшін, қамауға алынуы ықтимал

Шетелдік бақ таратқан ақпаратқа сәйкес, спортшыға ер азаматпен бірге жаттығу жасады деген айып та тағылуда.

 

Иранның әуесқой бокс федерациясы боксшыдан басын алып қашқан.

Басшылықтың айтуынша, спортшы қауымдастықтың мүшесі болып тіркелмегендіктен, турнирге жеке тұлға ретінде қатысыпты.

  • Айта кетейік, халықаралық турнирде жеңіске жеткен алғашқы Ирандық әйел Хадем болып табылады.
  • Спортшы турнир өткен Францияда қалып қойып, саяси баспана сұрауда.