Пайдалы ақпараттармен бөлісіп отырады

Пайдалы ақпараттармен бөлісіп отырады

Шымкент қаласы отбасы, балалар және жастар істері жөніндегі басқарма мамандары әлеуметтік желілерде отбасыларға пайдалы ақпараттармен бөлісіп отырады. «Ата-ананың басты міндеті - елдің ертеңіне бармақтай болсын үлес тигізер тәрбиелі ұрпақты өсіріп жетілдіру. Бұл - бір отбасының ғана емес, барша ұлттың жұмыла кірісер ісі. Осы орайда біздің парақшамызда жаңа айдар. Сіздермен бірге "Жақсы ата-ана болуды үйренеміз!" айдары жұмыс істейді. Ғалымдардың дәлелдеуінше, 3 жастан 6 жасқа дейінгі балаларға келесілерді үйрену қажет: зейін қою; мұқият болу; айналадағыларды бақылау және олардан үйрену; басқалармен ынтымақтастықта болу; сенім білдіру; өз бетімен әрекет ете білу; бастама көтере білу; ұстамдылықты шыңдау; күйзелісті еңсеру және бойын босаңсыта білу; өз-өзін бақылау; өз тәнінің оң бейнесін дамыту және епті қозғалу. Алдағы уақытта осы тақырыптар аясында Қазақстандағы БҰҰ Балалар қоры (ЮНИСЕФ) әзірлеген кітаптың негізінде ақпараттармен бөлісетін боламыз» дейді басқарма мамандары.