Рухани байлық ордасы

 

Отбасы құндылықтарын нығайту бағы­тында қыруар шаруа атқа­рыл­уда. Бақытты отбасы, саналы да білім­ді ұрпақ қалыптастыруға бағыт­талған саясаттың нәти­ж­есінде ана мен баланы қолдау бойын­ша бағдарламалық құжаттар, гендер­лік теңдікті сақтау стратегиясы қабылданып, мемлекеттік деңгейдегі отбасылық саясатта тұтастай жүйе қалыптасты. Кезең-кезеңімен жүзеге асырылып жатқан жобалардың барлығы да болашақ ұрпақтың мүддесі үшін қолға алынған. Қоғам­ның дамуы отбасының қалыптасуына тікелей әсер ететіні айқын. Қоғамның дамуы, елдің дамуы, елдің ішіндегі отбасының дамуы. Материалдық ізгіліктерден бөлек, рухани дүние таным да ілгерілейді. Дана халқымыздың тамыры тереңге кеткен, тарихымен бірге жалғасып келе жатқан рухани байлықтарының бірі - отбасы құндылықтары. Тіпті біздің рухани құндылықтарымыздың негізі де осы отбасылық дәстүрімізде жатыр десек қателеспеген болар едік. Мемлекетті дамытатын халық. Сондықтан да көп балалы отбасыларға барынша жағдай жасау парыз. Көпбалалы отбасыларды әлеуметтік қорғау бағытындағы мемлекеттік жәрдемақы түрлерінің әр жыл са­йын артып келе жатқанын қуантарлық жағдай. Жыл сайын отбасы бірлігін нығайтуға байланысты көптеген шаралар жүзеге асырылуда. Нәтижесі де жаман емес. Бүгінгі жас, ертеңгі ана сол насихаттан титімдей тәмсіл түйсінсе, болашақ жемісті болмақ.

 

Ақылай, Баймұратова,  

Шымкент қаласы