Даналық дәрістері

Даналық дәрістері

Шымкент қаласы білім басқармасына қарасты Айбек атындағы №14 жалпы орта білім беретін мектебі 18 мамыр күні сағат 11:00-де бір мезетте 9-10-11 сыныптарда Республикалық " Адалдық сағаты" аясында онлайн форматта "АДАЛДЫҚТЫ МҰРА ЕТКЕН ҰЛЫ АБАЙ" атты бейнедəріс өтті. Сабақты Сыбайлас жемқорлыққа қарсы іс-қимыл Агенттігінің "Парасаттылық " департаментінің директорының орынбасары Ғанижан Асанұлы жүргізді. Білімгерлерге берері көп мұндай тағылымды шараға оқушылар қызығушылықпен қатысты. Аты айтып тұрғандай адалдықты, адамдықты дәріптейтін шара жастардың жаманнан жиреніп, жақсыдан үйренуіне көп септігін тигізуде. Қазақтың бүкіл жақсы қасиеттерін жіпке тізгендей өлеңмен өрнектеген Ұлы Абайдың даналығын дәріптеген дәрістен көптеген оқушылар тәлім алды. Білімпаздар ұлттық дәстүр, отбасылық құндылық туралы, адами қасиет, адамгершілік, даналық сынды дәрістен алары көп болды.