Жас көмекшілердің көмегі көп

Жас көмекшілердің көмегі көп

Бүгінгі жас ертеңгі күні қоғамның бір кірпіші болып қаланатын азамат. Қоғамды құрушы белсенді мүшесі. Сондықтан да жастар арасындағы қылмысты болдырмау, оның алдын алу бүгінгі күннің басты талабы. Бұрын мектепте құқықбұзушылық орын алса, ондағылар шағымдану үшін сол маңдағы учаскелік полиция пунктіне баруға мәжбүр болатын. Енді әр мектепке арнайы инспекторлар тағайындалып, ондағылар әлдеқандай заңбұзушылық болса, мектеп инспекторына келіп арыздана алатын болды. Мектеп инспекторлары мектептердің де, жергілікті учаскелік полицейлердің де жұмысын жеңілдетіп отыр. Балалардың жеке тәртібіне, отбасындағы психологиялық қиындыққа байланысты есепте тұрған балаларды жазғы лагерьлерге жіберу арнайы жоспарлар қарастырылуда. Өйткені балалар жаз мезгілінде қолдары бос болғандықтан, теріс әрекеттерге ұрынып қалуы әбден мүмкін. Ал жаз­ғы демалыс лагерьлеріне жолдама бұйыр­­маған балаларды жаз бойы өзіміз бақылап отыру қиынға түседі. Әр мектепке бір-бір инспектордан бекітілген. Ол инспектор мектепте қанша көп оқу­­­шы болғанына қарамастан, олар­дың әрқайсысының жағдайымен, үй ішімен толық таныс болуы керек. Оқушылардың ата-аналарымен тығыз қарым-қатынаста болуы тиіс. Қазіргі таңда мектептегі инспекторлардың әр­қайсысында 8-12 оқушыдан құралған жас полиция көмекшілері бар. Жасөспірімдер арасындағы қылмыстардың алдын алу үшін бұл от­­ряд­тар елеулі жұмыстар атқарып ке­леді. Шымкенттік жас көмекшілердің тәртіп сақшыларына тигізер көмегі көп болып тұр.