Отбасы бақытын сақтау үшін...

Отбасы бақытын сақтау үшін...

Көп балалы аналар бірлестігінің басшысы Б.Ордабаева отбасылық өмірге ер баланы да, қызды да дайындау жауапкершілігі мол жұмыс дейді. «Ер баланы тәрбиеесең, елді тәрбиелейсің, қыз баланы тәрбиелесең ұлтты тәрбиелейсің» дегендей бүгінде тәрбие мәселесіне басымдық берілмек. Балаға тиісті білім беру, еліне лайықты азамат етіп тәрбиелеу әрбір отбасының жауапты міндеті десек, бүгінде демографиялық көрсеткіші жоғары қазақы өңір­де ажырасу көрсеткіштерін азайту мәселесі қаралуда. Шымкент қаласында бүгінде отбасын сақтап қалуға ықпал ететін орталықтар баршылық. «Бақытты отбасы» ресурстық орталықтарының арқасында ажырасудан бас тартып, отбасына оралып жатқандар қатары көбеюде.  Ал ре­сурс­ты орталықтың белсенді жұмы­сының нәтижесінде ажырасу райынан қайтып, татуласып жатқан отбасы­лар бар екені қуантады. Аймақ маман­дарын жас отбасылардың жауап­кер­ші­­лікті сезінбеуі, ал ересектердің өмір­­лік мәселелерді қабылдауда же­ңіл­­тек­­тікке салынатыны алаңдатып отыр. Осы қысқа мерзім ішінде жүзеге асқан қанатқақты жоба көптеген от­басылардың қайта табысуына ықпал етті. Тұрмыс тауқыметінің тасасында қалған отбасы құндылықтарын дәріптеуде, отбасы мүшелерінің жауапкершілігін түсіндіруде қоғамдық ұйымдар жақсы нәти­желерге қол жеткізді. Кәсі­би мамандардың кеңесіне зәру болып отырған шалғайдағы ауылдарға да шығу жағы қарастырылмақ.