Электронды нұсқаларын тауып, қызығушылық білдіруде

Электронды нұсқаларын тауып, қызығушылық білдіруде

Шымкент қалалық Жастар рерурстық орталығының ұйымдастыруымен челлендж басталған болатын. Жастар арасында оқу мәдениетін арттыру мақсатында ұйымдастырылған байқауға 600-ге жуық оқырман белсенділік танытып отыр, деп хабарлайды «Шымкент келбеті». Карантин кезеңінде бос уақыттарын тиімді өткізіп жатқан қатысушылардың дені - студенттер мен оқушылар. Челленджге қатысушылар төтенше жағдайға байланысты кітапханалардың жабық болуына қарамастан оқулықтардың электронды нұсқаларын тауып, қызығушылық білдіруде. Оқырмандардың басым бөлігінің таңдауы әдеби кітаптарға түскен. Отбасылық құндылықтарды настихаттайтын кітаптарға да сұраныс басым. Сондай-ақ, ағылшын, орыс тіліндегі кітаптарды оқып жатқандар да бар. Айта кетейік бас жүлде иегеріне Phone Pro 11 смартфоны сыйға берілсе, өзге де белсенді қатысушыларды тосынсыйлар күтуде. Жеңімпаздар 30 сәуір күні тікелей эфирде, сағат 17:00-де анықталмақ.