Басшы ханымдар...

Басшы ханымдар...

 

Бүгінде елімізде мемлекеттік қызметте басқа­рушы лауазымдарда 9,5 мыңнан астам әйел қызмет етеді. Бұл басшылардың жал­пы саны­ның 40 пайызын құрайды. Министр­лердің орынбасарлары 14,3 пайыз, өңір әкімдерінің орынбасарлары 7,1 пайыз, орталық мемлекеттік орган­дардың комитеттері төр­а­ға­ларының орынбасарлары мен де­партаменттердің дирек­тор­лары 29,2 пайыз, орталық мемле­­кет­тік органдардың аумақ­тық бөлімшелерінің басшылары 12,8 пайыз, облыстық басқар­малардың басшылары – 15,3 пайыз, қала және аудан әкімдерінің орынбасарлары 15,1 пайызды құрайды. Гендерлік саясаттың нәтижелі жүзеге асырылып жатқандығының көрінісі болса керек. Сондай-ақ жыл сайын мемлекеттік қызметке келетін жас мамандары қатары да нәзікжандылармен толығып отыр. Бүгінде үшінші мегаполис атанған Шымкентте мемлекеттік қызметте жүрген бұрымдылар баршылық. Басқарма басшылары мен орынбасарлары нәтижелі жұмыс атқарып келеді. Мемлекеттік қызметшілерді даярлау, қайта даярлау және білік­тілікті арттыру барысында ген­дерлік тақырыпқа назар ау­дарылады. Мысалы, мемле­кеттік органдардың кадрлар бө­лімдерінің басшыларын оқы­ту жүйесіне халықаралық оң тәжі­рибе негізінде әзірленген жұмыс пен отбасын байланыстыру бо­йынша тақырыптық сабақтар енгізілген.