Түрлі іс шаралар өткізіліп тұрады

Түрлі іс шаралар өткізіліп тұрады

Жастар арасындағы қылмыстың алдын алу үшін де түрлі шаралар жүзеге асырылуда. Рейдтік іс-шаралар барысында  ішкілікке  салынған адамдардың да үйлеріне барып тексеру жұмыстары жүргізіледі. Өйткені олардың балалары болуы мүмкін. Қылмысқа бейім жет­кіншектер көбінесе әке-шешесі іш­кілікке салынған жанұялардан шығып жатады. Шымкенттегі Әл Фараби ауданы ойын-сауық ор­талықтары өте көп шоғырланған аудан болып табылады. Жастар жиналатын жерлер көп. Мегаорталық, Шымкент плаза,  стадион, көптеген саябақтар осы ауданға қара­ғандықтан, ол жерлерде орын алған қылмыстық оқиғаларға аудандық ішкі істер басқармасына қарасты. Аталған ауданда жастар арасындағы қылмыстардың алдын алу бойынша түрлі іс шаралар өткізіліп тұрады. Шұғыл алдын алу шаралары бойынша түрлі тақырыптарда жоспарланған жұмыстар атқарылады. Оқушылар арасында есірткі таралымын болдырмас үшін, барлық мектептерде тексеру жұмыстары жүргізіледі. Тексеріс нәтижесі көрсеткендей, оқу­шы­лар арасында есірткі заттарын тұтынатындар мүлдем жоқ екені анық­талды.