Басты мақсат - оқушылардың шығармашылық қабілетін жандандыру

Басты мақсат - оқушылардың шығармашылық қабілетін жандандыру

 «Өрлеу» БАҰО» АҚ филиалы Түркістан облысы және Шымкент қаласы бойынша педагогикалық қызметкерлердің біліктілігін арттыру институтының 2020 жылдың оқу жоспарына сәйкес «Рухани жаңғырудың үйлесімді жалғасы: Ұлы даланың жеті қырының мақаласы» тақырыбында Елбасының «Рухани жаңғыру» бағдарламасының негізгі бағыттарын жүзеге асыруға арналған облыстық онлайн семинар өткізілді. Мақсаты: оқушыларға қазақстандық патриотизмді, азаматтық пен төзімділікті, бейбітшілікті, ұлттық келісімді қалыптастыру; отбасылық құндылықты дәріптеу, оқушыларды мемлекет басшысының «Ұлы даланың жеті қыры» мақаласымен, қазақ халқының мәдени мұрасымен таныстыру. Міндеттері: оқушылардың Қазақстан тарихына деген танымдық қызығушылығын дамыту; оқушылардың зияткерлік деңгейін арттыру; оқушылардың шығармашылық қабілетін жандандыру. Семинарға Түркістан облысы мен Шымкент қаласының оқу орындарының тарих және өлкетану мұғалімдері қатысты. Осы іс-шара барысында мұғалімдер презентация түрінде нақты ұсынылған мақаланың тақырыбы бойынша баяндамалар жасады. Бағдарламалық мақаланың негізгі аспектілері, атап айтқанда Ұлы Даланың 7 қыры талқыланды. Семинар барысында оқытушы А.Абдукадирова «Ұлттық, отбасылық  құндылықтар және рухани жаңғыру» тақырыбында сөз сөйледі.

Іс-шара соңында мақаланың ережелері қызу талқыланды. Пікірсайыс оң нотада аяқталды, семинарға қатысушылар мен оқытушы бәріміз Ұлы Даланың өткенін, халқымызды білуге ​​және тарихымызбен мақтана білуіміз керек деген пікірге келді. Өткенді білгеніміз өмірімізде бүгінгі күнді құруға және болашаққа көз жүгіртуге көмектеседі. Дәл сол кезде біздің ел табысты болады. Ұлы даланың жеті қырының құндылығын зерттеу арқылы жастардың білімін арттыруға шақырған семинарға барлығы 20-дан астам мұғалім қатысты.

«Мектепке дейінгі тәрбие және жеке тұлғаны әлеуметтендіру» кафедрасының аға оқытушысы Матекова Бактыгуль Темирхановна

Шымкент қаласы