Көп септігін тигізеді

Көп септігін тигізеді

Жыл сайын жаз маусымы басталып,оқушылар, студенттер демалысқа шыққанда жасөспірімдердің тәртібін қадағалайтын құқық қорғау органдарының жұмысы екі есе көбейеді. Оқушылар демалысқа шығып,мектеп сабағы мен үй тапсырмасынан қолдары босағанда,  оларды бос уақыттарын тиімді пайдалану жағын қарастыру керек. Жасөспірімдердің қолымен жасалған қылмыстар мен құқық бұзушылықтар жаз мезгілінде көп тіркеледі екен. «Ел болам десең,бесігіңді түзе» деп атам қазақ айтқандай, әрбір ата-ана өз баласының тәртібі мен тәрбиесіне мән беріп, бос уақыттарында немен айналысатынына қатаң бақылау жасаса, жасөспірімдер арасында құқықбұзушылық пен қылмыстың төмендеуіне көп септігін тигізер еді. Сонымен қатар, әр азаматтың міндеті-заң талаптарын бұзбау, екінші жағынан өзіне жүктелген міндетін орындау. Заңның ең басты мақсаттарының бірі – қоғамдағы алуан мінезді адамдарды салауатты өмір салтына тәрбиелеу.Заңды білмеу, оны бұзу - жауапкершіліктен құтқармайтынын жас ұрпаққа үнемі түсіндіру қажет. Қазіргі жағдайға байланысты оқушылардың қызығушылығына орай түрлі онлайн үйірмелер ұйымдастыру жағы қарастырылуда.